Ladki Bahin Rojgar Melava – ‘लाडक्या बहिणींना’ रोजगाराच्या संधी उपलब्ध करून देऊन त्यांना आर्थिकदृष्ट्या सक्षम करण्याच्या उद्देशाने मुंबईत विशेष महिला रोजगार मेळावा आयोजितण्यात आला आहे. ‘पंडित दीनदयाळ उपाध्याय रोजगार महाकुंभा’अंतर्गत २९ सप्टेंबरला सकाळी नऊ वाजता एसएनडीटी महिला विद्यापीठ, चर्चगेट येथे हा मेळावा होणार आहे. २०हून अधिक कंपन्या व आस्थापना या मेळाव्यात सहभागी होणार असून, महिलांना थेट मुलाखतीद्वारे रोजगाराच्या संधी उपलब्ध होणार आहेत. महाराष्ट्र शासनाच्या कौशल्य विकास, रोजगार व उद्योजकता विभागातर्फे हा मेळावा होणार आहे. दहावी, बारावी, पदवी, पदव्युत्तर, आयटीआय, पदविका; तसेच विविध व्यावसायिक कौशल्ये असलेल्या पात्र महिला उमेदवारांना मेळाव्यात सहभागी होता येईल. रोजगारासह स्वयंरोजगार, कौशल्य विकास, ॲप्रेंटिसशिप आणि परदेशातील रोजगाराच्या संधींबाबतही मार्गदर्शन केले जाणार आहे.
महाराष्ट्रातील महिलांना अधिक स्वावलंबी आणि आर्थिकदृष्ट्या सक्षम बनवण्याच्या उद्देशाने मुंबईत एका विशेष महिला रोजगार मेळाव्याचे आयोजन करण्यात आले आहे. महाराष्ट्र शासनाच्या कौशल्य विकास, रोजगार आणि उद्योजकता विभागातर्फे २९ सप्टेंबर रोजी सकाळी ९ वाजता एसएनडीटी महिला विद्यापीठ, चर्चगेट येथे हा मेळावा पार पडणार आहे. या महामेळाव्यात २० हून अधिक नामांकित कंपन्या व आस्थापना सहभागी होणार असून, दहावी, बारावी, पदवी, पदव्युत्तर, आयटीआय, पदविका तसेच विविध व्यावसायिक कौशल्ये असलेल्या पात्र महिला उमेदवारांना थेट मुलाखतीद्वारे रोजगाराच्या सुवर्णसंधी उपलब्ध करून दिल्या जाणार आहेत. उमेदवारांच्या पात्रतेनुसार कंपन्यांमध्ये आकर्षक वेतनश्रेणी ठरवली जाईल, तर स्वयंरोजगार, कौशल्य विकास प्रशिक्षण, ॲप्रेंटिसशिप आणि परदेशातील रोजगाराच्या संधींबाबतही विशेष मार्गदर्शन केले जाणार आहे.
महिलांच्या या आर्थिक सक्षमीकरणाचा थेट व सकारात्मक प्रभाव संपूर्ण कुटुंब आणि समाजावर पडणार आहे. महिलांच्या हाताला काम मिळाल्यामुळे कुटुंबाचे आर्थिक स्थैर्य बळकट होऊन मुलांचे शिक्षण, उत्तम आरोग्य आणि राहणीमान उंचावणे सुलभ होते, तसेच त्यांच्यामध्ये आत्मविश्वास आणि निर्णयस्वातंत्र्य वाढीस लागते. शासकीय महामंडळांच्या माध्यमातून उद्योग सुरू करण्यासाठी मिळणाऱ्या कर्ज सुविधा व अनुदानामुळे महिलांना स्वतःचा व्यवसाय उभा करण्याची संधीही मिळते. या सर्व घटकांमुळे सामाजिक विषमता कमी होऊन राज्याच्या विकासात महिलांचे योगदान अधिक बळकट होईल, त्यामुळे मुंबई व परिसरातील पात्र महिलांनी या मेळाव्यात मोठ्या संख्येने सहभागी होऊन या संधीचा लाभ घ्यावा.
जपानमधील संधींविषयी
परदेशात रोजगाराच्या संधी शोधणाऱ्या महिलांसाठी जपानमधील रोजगाराच्या संधींबाबत मार्गदर्शन करणारा स्वतंत्र स्टॉल असणार आहे. ॲप्रेंटिसशिप, स्वयंरोजगार आणि परदेशी रोजगाराच्या प्रक्रियेबाबतही उमेदवारांना माहिती दिली जाईल. मुख्यमंत्री देवेंद्र फडणवीस यांच्या हस्ते राज्यभर ऑनलाइन पद्धतीने मेळाव्याचे उद्घाटन होणार आहे. अधिकाधिक महिलांनी याचा लाभ घ्यावा, असे आवाहन जिल्हा कौशल्य विकास, रोजगार व उद्योजकता मार्गदर्शन केंद्राने केले आहे.